Qytetarët e Kosovës që shkojnë në Shqipëri nuk kanë nevojë që kur të kthehen t’i paraqesin testet PCR e as të karantinohen për një javë. Një vendim të tillë e ka marrë edhe Qeveria e Shqipërisë.
Lajmin e ka konfirmuar ambasadori i Shqipërisë në Kosovë, Qemal Minxhozi.
“Jo, as qytetarëve nga Republika e Shqipërisë e as qytetarëve nga Republika e Kosovës nuk do t’u kërkohet test në kufi”, ka thënë Minxhozi për Front Online.
Sipas Minxhozit, shtetasit e Kosovës që shkojnë në Shqipëri nuk obligohen për teste në kufi. “Çdo shtetas i Republikës së Shqipërisë apo i Republikës së Kosovës që kthehet në Kosovë nuk bënë test e as të karantinohet”, ka bërë të ditur ai.
Përndryshe, prej sot në Kosovë janë në fuqi masat e reja për t’u mbrojtur nga COVID-19.
