Nënkryetari i Lidhjes Demokratike të Kosovës, Lutfi Haziri, ka komentuar para mediave vazhdimin e 21-të të seancës konstituive të Kuvendit të Kosovës, duke e cilësuar situatën si të papranueshme, shkruan Gazeta Sinjali.
“Fatkeqësisht, tashmë këto janë bërë seanca të numrave”, deklaroi Haziri, duke iu referuar përpjekjeve të pasuksesshme për zgjedhjen e Kryetarit të Kuvendit.
Ai shtoi se këto dështime të njëpasnjëshme përbëjnë një “kronikë të zezë” për jetën institucionale në vend dhe theksoi se situata kërkon zgjidhje urgjente për të tejkaluar bllokadën politike.
