Pep Guardiola ka arritur ta fitoj trofeun e tretë të Ligës së Kampionëve, por i pari me Manchester Cityn.
Trajneri spanjoll fitoi trofeun e parë evropian me Cityn që ishte ëndërr e tij.
Pep është rikthyer të flas për finalen e fituar ndaj Interit me rezultat minimal 1-0.
Numri një i shtabit teknik të Citizens ka deklaruar se është shumë e vështirë ta fitosh Ligën e Kampionëve dhe duhet vuajtur shumë për të arritur suksesin.
“Ne e dimë se sa e vështirë është ta fitosh këtë garë. Për mua në njëfarë mënyre është shumë bukur”.
“Në Ligën e Kampionëve duhet të vuash gjithmonë, sot jemi shumë të lumtur por, Interi mund të kishte sukses dhe ndoshta sot nuk do të ishim aq të lumtur. Kjo e gjitha lidhjet me detajet”, deklaroi Pep Guardiola.
City ishte më mirë në finale, por Inter ka marrë gjithashtu duartrokitje nga tifozët e futbollit pasi ka zhvilluar një finale të madhe dhe vetëm fati i mungoi. /Telegrafi/
