Gjermania është shprehur shumë e zhgënjyer që takimi i nëntë në mes të Albin Kurti dhe Aleksandër Vuçiç në kuadër të dialogut në Bruksel ka përfunduar pa rezultat.
Përmes një postimi në rrjetin e tij social në “X”, Zëdhënësi i Qeverisë Gjermane, Steffen Hebestreit, ka theksuar se obstruksionet në këtë proces nuk do ta nxjerrin nga kriza Kosovën dhe Serbinë.
“Shumë zhgënjyese që takimi i dialogut mes Serbisë dhe Kosovës ishte sërish i pasuksesshëm. Pengimi nuk do të na nxjerrë nga kriza. Dialogu i normalizimit i udhëhequr nga BE-ja është mënyra e vetme për një zgjidhje. Gjermania do të vazhdojë të punojë intensivisht me partnerët e saj për këtë”, shkroi ai. /Albanianpost.com
Very disappointing that the dialogue meeting between #Serbia and #Kosovo was again unsuccessful. Obstruction will not get us out of the crisis. The EU-led normalization dialogue is the only way to a solution. Germany will continue to work intensively with its partners on this. https://t.co/EFVP8sVaRX— Steffen Hebestreit (@RegSprecher) September 15, 2023
