Gjermania dhe Finlanda shprehën shqetësim të madh për zbulimin e një kablloje të dhënash nënujore të dëmtuar midis vendeve përmes Detit Baltik, duke thënë se kjo kishte ngjallur dyshime për sabotim dhe se një hetim ishte duke u zhvilluar, sipas AP.
Ministritë e Jashtme të të dy vendeve thanë në një deklaratë të përbashkët se dëmi vjen në një kohë që siguria evropiane nuk është vetëm nën kërcënim nga lufta e agresionit të Rusisë kundër Ukrainës, por edhe nga lufta hibride e aktorëve keqdashës.
Në deklaratë thuhet se vendet po hetonin incidentin dhe se ishte thelbësore që një “infrastrukturë kritike” e tillë të mbrohej.
“Fakti që një incident i tillë ngre menjëherë dyshime për dëmtim të qëllimshëm tregon shumë për paqëndrueshmërinë e kohës sonë”, thanë të dy vendet.
Ofruesi i shërbimeve të të dhënave të kontrolluara nga shteti finlandez “Cinia” tha se kablloja e shkëputur e të dhënave u zbulua dje në kabllon C-Lion1 që kalon gati 1200 kilometra nga kryeqyteti finlandez, Helsinki, në qytetin port gjerman të Rostock.
“Cinia” tha se lidhjet ndërkombëtare të të dhënave dhe telekomunikacionit të Finlandës sigurohen duke i përdorur ato përmes disa linjave të tepërta dhe se efektet e një dështimi të vetëm kabllor do të vareshin nga niveli i sigurisë së lidhjeve të ofruesve të shërbimeve. /ATSH/
