Gjakova në nivel vendi prin me më së shumti doza të vaksinava të administruara, në qendrën e vaksinimit. Procesi i vaksinimit po shkon sipas planifikimeve dhe ekipet po punojnë më shumë me doza të dyta, kështu ka thënë Valon Bellanica, mjek në qendrën e vaksinimit “Fehmi Agani” në Gjakovë.
Ai gjithashtu tha se grupmosha që po paraqet më shumë interesim për t’u vaksinuar për momentin janë 16 dhe 18 vjeq.
Qytetarët që po vaksinohen po ndahen të kënaqur me shërbimet dhe stafin e qendrës së vaksinimit, ata apelojnë te qytetarët e tjerë që të vaksinohen.
Rikujtojmë se qendra e vaksinimit “Fehmi Agani” punon nga ora 7:00 deri në ora 20:00, çdo ditë të javës.
