Shoqata e Gastonomëve të Kosovës njoftojnë se ditën e martë do të protestojnë para objektit të Qeverisë në Prishtinë.
Kryetari i shoqatës, Petrit Kllokoqi me anë të një shkrimi në Facebook ka thënë se, shumë biznese dhe punëtorë po ikin drejtë vendeve tjera.
“Mungesa e vaksinave, mosshqyrtimi i masave në fuqi, mosplanifikimi për hapje të verës, mospërfillja e deklaratës së përbashkët, mos bashkëpunimi i Ministrisë së Shëndetësisë në hartimin e masave për të gjithë është pakënaqësi e madhe, sidomos kur rajoni po hapet, po rrezikohen bizneset dhe punëtoret po ikin drejtë vendeve tjera”, shkruan ai.
Protesta mbahet ditën e martë duke filluar nga ora 18:00.
