Të paktën tre persona kanë vdekur pasi një varkë me më shumë se 20 pasagjerë, përfshirë turistë, u fundos nga erërat e forta në liqenin Maggiore në veri të Italisë, thonë mediat lokale.
Sipas njoftimeve, një person është ende i zhdukur.
Varka u përmbys mbrëmjen e së dielës mes qyteteve Sesto Calende dhe Arona, thonë mediat italiane.
Shërbimi zjarrfikës i Italisë tha se 19 persona ishin të sigurt, por kërkimi i tyre vazhdoi për të zhdukurit, raporton BBC.
Pesë persona u dërguan në spital pasi u shpëtuan. Raporte të pakonfirmuara në mediat italiane thonë se pasagjerët e anijes ishin britanikë, italianë dhe izraelitë.
Attilio Fontana, president i rajonit të Lombardisë, tha se “incidenti shumë i rëndë” ndodhi për shkak të motit të lig.
/KlanKosova/
