Ministri i Jashtëm francez, Jean-Noel Barro ka folur për një propozim Francë-SHBA për një armëpushim të përkohshëm 21-ditor në Liban.
Barrot tha se përparim i rëndësishëm ishte bërë në orët e fundit. Ai nuk dha detaje, por tha se përpjekjet po vazhdojnë dhe detajet do të bëhen publike shumë shpejt.
Ideja që qëndron pas pauzës do të ishte lejimi i zhvillimit të bisedimeve për një fund afatgjatë të ndezjes dramatike të armiqësive midis Izraelit dhe Hezbollahut.
Kryeministri i Libanit, Najib Mikati, i kërkoi Këshillit të Sigurimit të OKB-së këtë mbrëmje t’i bëjë presion Izraelit për një “armëpushim të menjëhershëm në të gjitha frontet”.
Ai i tha gjithashtu agjencisë së lajmeve Reuters se shpresonte se një marrëveshje mund të arrihet menjëherë.
Ambasadori i Izraelit në OKB përshëndeti gjithashtu një armëpushim të mundshëm, si dhe kthimin e izraelitëve dhe libanezëve në shtëpitë e tyre./abcnews.al
