Edhe gjatë ditës së sotme Shkupi mbetet i paralizuar për shkak të bllokadave të transportuesve privat. Kështu që kaosi dhe nervoza tek banorët e kryeqytetit vazhdon.
Qytetarët thonë se duhet sa më shpejtë të gjendet zgjidhje për lirimin e rrugëve të bllokuara dhe drejtojnë akuza mbi kryetaren e Qytetit të Shkupit.
Ndryshe mbi 200 autobusë kanë bllokuar dy udhëkryqe të kryeqytetit dhe rrugën “Ilindenska”. Transportuesit privat thonë se nuk do të lëvizin autobusët e tyre, derisa Bashkia e Shkupit dhe Ndërmarrja për Qarkullim publik nuk ua paguajnë borxhin.
/Telegrafi/
