Organizata Ec Ma Ndryshe ka mbajtur aktivitetin “Green Talks-Biseda të Gjelbërta” me nxënësit e shkollave fillore të komunës së Gjakovës.
I pranishëm ishte edhe kryetari i komunës Ardian Gjini, i cili hapi këtë takim duke njoftuar nxënësit me disa nga projektet që janë ndërmarrë në të mirë të mbrojtjes së ambientit.
Meral Bakiqn nga “ Ec Ma Ndryshe“ tha se gjithëpërfshirja, qëndrueshmëria dhe dija janë trekëndëshi që përfaqëson këtë organizatë.
Nxënësit shpalosën aktivitetet e tyre që janë organizuar në të mirë të mjedisit. Poashtu, ata shfaqën shqetësimet e tyre duke parashtruar pyetje ndaj kryetarit Gjini, sa i përket mbrojtjes së ambientit.
Përfaqësuesi i Zyrës për Mbrojtjen e Mjedisit në komunën e Gjakovës, Fatos Deda tha se pa bashkëpunim të të gjithë shoqërisë nuk mund të ketë ambient të pastër. Këtu u konstatua se Gjakova do të jetë shembull i pastërtisë në të ardhmen e afërt.
