Në Spitalin e Pejës është duke u dyshuar për vendosjen e një mjeti shpërthyes.
Lajmin për Albanian Post e ka konfirmuar Fadil Gashi, zëdhënës në policinë rajonale të Pejës.
“Rreth orës 12:40 policia është njoftuar se në Spitalin Rajonal në Pejë stafi mjekësor gjatë kontrollit të një pacienti në xhepin e tij të jaknes ka vërejtur një mjet shpërthyes”, ka thënë Gashi.
Ai tutje ka bërë të ditur se Policia është në vendin e ngjarjes, teksa njerëzit janë larguar.
“Policia menjëherë ka dal në vendin e ngjarjes dhe ka bë sigurimin e vendit të ngjarjes dhe janë larguar njerëzit nga lokacioni për shkaqe sigurie”.
Në Spitalin e Pejës është duke u pritur që të arrij edhe njësiti për deminim. /Albanianpost.com
