Paulo Dybala është rikthyer në stërvitje me Romën pas rikuperimit nga një dëmtim muskulor dhe për këtë arsye është në rrugën e duhur për të startuar kundër Interit . “La Joya” nuk ka mundur të nisë një ndeshje që nga barazimi 1-1 i Europa League me Athletic Bilbaon më 26 shtator.
Problemet muskulare e detyruan argjentinasin që të mos udhëtojë në Monza për një tjetër barazim 1-1, duke e detyruar gjithashtu të tërhiqej nga detyra ndërkombëtare me Argjentinën.
Megjithatë, “Sky Sport Italia” raporton se Dybala tashmë është rikthyer në stërvitje, pasi testet nuk treguan dëme të konsiderueshme, përcjellë KosovaPress.
Kjo do të thotë se ai duhet të jetë i disponueshëm për të filluar përballjen vendimtare të Serie A kundër Interit këtë fundjavë.
Deri më tani këtë sezon, ai ka kontribuar me një gol dhe zero asistime në shtatë ndeshje mes Serie A dhe Europa League./KP/
