Institucionet e Republikës Çeke janë shënjestruar nga një sulm kibernetik rus që nga viti i kaluar, tha të premten Ministria e Jashtme Çeke.
Ajo tha se grupi rus APT28, që besohet të jetë i lidhur me inteligjencën ushtarake të Rusisë GRU, kishte shfrytëzuar një dobësi në programin Outlook të Microsoft, raportoi Reuters.
Ministria lëshoi deklaratën e saj pasi Ministria e Brendshme gjermane tha të premten se një seri sulmesh kibernetike që i atribuohen GRU-së kishin në shënjestër socialdemokratët qeverisës të Gjermanisë, si dhe sektorët e logjistikës, mbrojtjes, hapësirës ajrore dhe IT të vendit.
“Çekia së bashku me Gjermaninë, Bashkimin Evropian, NATO-n dhe partnerët ndërkombëtarë dënon fuqishëm aktivitetet e aktorit të kontrolluar nga shteti rus APT28, i cili ka kryer një fushatë afatgjatë të spiunazhit kibernetik në vendet evropiane”, tha ministria.
Ajo nuk tha se cilat institucione ishin në shënjestër, shkruan The Guardian./Klankosova.tv.
