Sekretari amerikan i Shtetit, Antony Blinken, është takuar me presidentin turk, Recep Tayyip Erdogan, për të diskutuar përpjekjet për një tranzicion të qetë politik në Siri.
Erdogan i tha Blinken se Turqia do të marrë masa parandaluese në Siri për sigurinë e saj kombëtare kundër të gjitha organizatave që i konsideron si “terroriste”, sipas një deklarate.
SHBA dhe Turqia janë aleatë të NATO-s dhe kanë mbështetur të dyja forcat opozitare gjatë luftës civile siriane, por interesat e tyre reciproke ndryshojnë ndjeshëm kur bëhet fjalë për grupet e armatosura në veri të Sirisë.
SHBA mbështet Forcat Demokratike Siriane (SDF), një koalicion grupesh të udhëhequra nga Njësitë e Mbrojtjes së Popullit (YPG), të cilën Ankaraja e sheh si një zgjatim i Partisë së Punëtorëve të Kurdistanit (PKK) – një grup që është i jashtëligjshëm nga Turqia dhe që ka luftoi shtetin turk për 40 vjet.
Takimi i Biden me Erdoganin vjen ndërsa forcat e mbështetura nga Turqia në fillim të kësaj jave pushtuan qytetin verior të Manbij nga SDF, i cili më pas u tërhoq në lindje të lumit Eufrat.
Një burim i opozitës siriane i tha agjencisë së lajmeve “Reuters” se tërheqja e SDF u bë pas një marrëveshjeje Turqi-SHBA.
SDF kontrollon zona të mëdha të territorit në veri dhe lindje të vendit, ku gjenden fusha vitale nafte dhe rreth 900 ushtarë amerikanë. /Albanianpost.com
