Sali Berisha ka thënë se “diktatura teokratike e Ajetullahëve të Teheranit” po shkon drejt fundit të merituar.
“Të dashur miq, goditjet në zemër të regjimit nga forcat ajrore izraelite të mbështetura nga SHBA, asgjësimi i elitës terroriste të Gardës dhe të ushtrisë së Ajetullahëve, sistemeve mbrojtëse dhe impianteve bërthamore dhe objekteve të tjera strategjike, po çojnë drejt fundit të merituar regjimin diktatorial, obskurantist, luftënxitës e destabilizues të Teheranit.”
Ai ka shtuar Partia Demokratike beson se fundi sa më i shpejt i regjimit të Ajetullahëve shënon çlirimin e një kombi të madh dhe fitore për paqen dhe bashkëpunimin në Lindjen e Mesme.
“Partia Demokratike beson se fundi sa më i shpejtë i regjimit obskurantist të Ajetullahëve, armik i egër i kombit iranian dhe lirive të tij, shënon çlirimin e këtij kombi të madh dhe një fitore të vërtetë për paqen dhe bashkëpunimin në Lindjen e Mesme.”/express
