Bayern Munich-u thuhet se po përgatitet për një ristrukturim të madh të skuadrës së tij për sezonin e ardhshëm, ku deri në katër “pasha të rënda” pritet të largohen nga “Allianz Arena” në verë.
Pasi pati sukses në negociatat për rinovimin me Alphonso Davies-in dhe punoi për vazhdimësinë e Joshua Kimmich-it dhe Jamal Musiala-s, bordi bavarez ka vendosur të lirojë katër lojtarë me peshë në ekip: Serge Gnabry, Kingsley Coman, Leroy Sane dhe Leon Goretzka, tregojnë raportet nga mediat gjermane.
Objektivi i Bayern-it është të lehtësojë faturën e pagave dhe të gjenerojë të ardhura për të përforcuar ekipin.
Goretzka, me kontratë deri në vitin 2026, do të hyjë në vitin e tij të fundit me klubin në fund të sezonit aktual. Pavarësisht se ka bërë 22 paraqitje këtë sezon, me katër gola dhe një asistim, e ardhmja e tij duket shumë larg nga “Allianz Arena”.
Nga ana e tij, Coman, kontrata e të cilit zgjat deri në vitin 2027, është përdorur shpesh (24 ndeshje, katër gola dhe dy asistime), por largimi i tij është një opsion real nëse vjen një ofertë interesante.
Në rastin e Sane-s dhe Gnabry-t, strategjia e klubit është e qartë. Të dy skadojnë në verë, gjë që do t’i lejojë ata të largohen si lojtarë të lirë. Për të shmangur këtë situatë, synimi i Bayern-it është të arrijë një rinovim përpara se t’i shesë.
Sane ka qenë një nga lojtarët më vendimtarë të ekipit këtë sezon, me 23 ndeshje të luajtura, shtatë gola dhe dy asistime, ndërsa Gnabry ka pasur tre gola dhe katër asistime në 21 ndeshje.
Vendimi i Bayern-it i përgjigjet nevojës për të rinovuar skuadrën e tij dhe për t’i hapur rrugë shtesave të reja.
Me disa yje në treg, klubi do të kërkojë të balancojë skuadrën e tij pa humbur aftësinë konkurruese, duke u përballur me një verë që premton të jetë plot punë në Mynih. /Albanianpost.com
