Policia e Kosovës ka arrestuar një person në Gjakovë, si i dyshuar për veprën penale “bashkëjetesë me personin nën moshën 16 vjeçare.”
Policia ka bërë të ditur se i dyshuari është kapur dje rreth orës 18:00, pasi që i njëjti pa pëlqimin dhe dijeninë e prindërve të viktimës, kishte bashkëjetuar me një vajzë të mitur.
“Gjakovë, 20.07.2021 – 18:00. Me datë 21.07.2021 është arrestuar i dyshuari mashkull kosovar pasi që i njëjti pa pëlqimin dhe dijeninë e prindërve të viktimës femër kosovare (e mitur), kishin vendosur që të bashkëjetojnë. Në lidhje me rastin është konsultuar prokurori i shtetit me vendim të së cilit pas intervistimit i dyshuari është dërguar në mbajtje”.
