Një nxënëse në një shkollë fillore të Podujevës është rrahur dje në klasë nga arsimtari i saj, rreth orës 11:00.
Policia ka dalë në vendin e ngjarjes rreth orës 12:00 dhe ka arrestuar arsimtarin e dyshuar për keqtrajtimin e nxënëses.
Siç merr vesh Sinjali, nxënësja është dërguar nga ana e personelit të shkollës në qendrën e mjekësisë familjare në Podujevë për të marrë trajtimin e nevojshëm mjekësor.
Ndërsa arsimtari është dërguar në mbajtje dhe rasti ndaj tij është hapur si keqtrajtim gjatë ushtrimit të detyrës zyrtare. /GazetaSinjali/
