Çështja e zgjedhjes së presidentit të vendit po vazhdon të jetë temë diskutimi nga të gjithë, bile edhe nga ndërkombëtarët në Kosovë.
Ambasadori i Gjermanisë në Kosovë, Jorn Rohde, ka përshëndetur vendimin e Lidhjes Demokratike të Kosovës që të qëndrojë në sallë gjatë votimit të kandidates Vjosa Osmani.
Rohde thotë se shpreson që të gjithë deputetët e zgjedhur të vënë nevojat e qytetarëve para interesave politike, pasi që siç thotë ai, është e paimagjinueshme shkuarja në zgjedhje në këtë valë të re të koronavirusit.
“E lavdërueshme që LDK do të marrë pjesë në procesin zgjedhor për një president të ri. Shpresojmë që të gjithë deputetët e zgjedhur do të ndjekin dhe vendosin nevojat e qytetarëve të Kosovës mbi partizanitetin politik. Unë vështirë se mund ta imagjinoj rrezikimin e zgjedhjeve të reja në mes të valës së pandemisë aktualisht të ndezur”, ka thënë Rohde.
Commendable that LDK will participate in election process for a new president. Hopefully all elected MPs will follow and put the needs of Kosovo citizens above political partisanship. I can hardly imagine risking new elections in the midst of the currently raging pandemic wave— Ambassador Jörn Rohde (@GermanAmbKOS) March 31, 2021
