Shefi i Al-Ahli, Khaled Al-Issa, ka konfirmuar se klubi i Ligës Pro Saudite kishte tentuar të nënshkruante me Vinicius Jr të Real Madridit këtë verë.
Al-Ahli ka qenë shumë aktiv në tregun e transferimeve gjatë dy sezoneve të fundit, dhe ky ishte rasti edhe këtë verë, ku skuadra saudite u lidh me një numër lojtarësh që luajnë në Evropë. Klubi u përfol se ishte i interesuar për anësorin e Real Madridit, Vinicius, pas largimit të Allan Saint-Maximin dhe raportet sugjeruan se pala saudite po përgatiste një marrëveshje madhështore.
Al-Issa tani ka konfirmuar interesimin e klubit për Vinicius dhe ka shpjeguar se Al-Ahli përfundimisht hoqi dorë nga tentativa për të nënshkruar një anësor për shkak të integrimit të papritur të Firas Al-Braikan në ekipin e parë. Pas kësaj, klubi e zhvendosi fokusin te një sulmues dhe ra dakord për marrëveshje me Ivan Toney dhe Victor Osimhen, duke nënshkruar me Toney nga Brentford.
Në një intervistë për ‘Koora Rotana’, Al-Issa tha: “Komiteti teknik, i cili përfshin edhe drejtorin teknik, vendosi të largohej nga Maximin sepse ishte më e lehtë për sa i përket procesit të shitjes dhe shuma e marrëveshjes mund të përballohej nga çdo klub tjetër.”
“Ne kishim një dëshirë për të sjellë një anësor të madh si Vinicius nga Real Madrid, por gjatë negociatave ndodhi një situatë e papritur, që ishte largimi i lojtarëve sauditë për t’u bërë profesionistë në përputhje me programin e bursave, dhe Firas Al-Braikan ishte planifikuar të largohej.”
“Prioriteti ynë u zhvendos nga krahu në majë të sulmit për shkak të largimit të Al-Braikan, dhe ne hymë në negociata me Ivan Toney dhe Victor Osimhen, përfundimisht duke nënshkruar me Toney.”
Megjithëse klubi nuk nënshkroi një anësor gjatë afatit kalimtar të verës, Al-Issa ka dhënë një paralajmërim për klubet evropiane se Al-Ahli do të jetë në treg për të nënshkruar me një anësor të mirë gjatë afatit kalimtar të dimrit. Ai shpjegoi: “Firas Al-Braikan nuk hyri në programin e bursave dhe për këtë arsye qëndroi me ne. Si rezultat, ka ndodhur një boshllëk në pozicionin e krahut dhe ne do të punojmë për ta forcuar këtë pozicion me një marrëveshje që do të tejkalojë ambiciet e tifozëve të Al-Ahly gjatë periudhës së dimrit.” /Goal.com/
