Sot rreth orës 7 e 55 minuta në qytetin e Gjakovës ka ndodhur një aksident trafiku me lëndime të rënda trupore ku është përfshirë një mjet i rëndë transportues kamion dhe një biçikliste.
Lajmin e ka konfirmuar për televizionin Syri komandanti i trafikut rajonal në Gjakovë kapiten, Albin Sahatqija, i cili ka thënë që aksidenti ka ndodhur në rrugën “Bardhyl Qaushi” konkretisht tek semaforët në qendër të qyetit.
Deri tek aksidenti ka ardhur kur shoferi i kamionit ishte i ndalur para semaforëve kryesor dhe në momentin kur është ndezur semafori gjelbërt ka filluar të lëvizë në drejtim të qendrës së qytetit dhe në atë moment biçiklistja e kalon rrugën, për shkak se shoferi i mjetit transportues nuk e kishte vërejtur biçiklisten si pasojë e ka goditur atë duke përplasur për tokë dhe me ç’rast e aksidentuara ka pësuar lëndime të rënda trupore.
Sipas policisë ajo është dërguar menjëherë në spitalin e përgjithshëm “Isa Grezda” në Gjakovë për të marrë tretmanin mjekësor, por për shkak të gjendjes së rëndë shëndetësore 44 vjeqarja është dërguar për në QKUK në Prishtinë për tretman të mëtutjeshëm.
Lidhur me rastin është njoftuar prokurori kujdestar dhe me urdhër të tij i dyshuari është ndalur në mbajtje.
