Gjegjësisht, hulumtimet tregojnë se është vërejtur se fëmijët që kishin vetëm katër lodra ishin më të angazhuar në lojë. Luajtja me më pak lodra i lejoi ata të mbanin vëmendjen e tyre në një lodër më gjatë, gjë që ndikoi pozitivisht në fokusin, kreativitetin dhe aftësinë e tyre për t’u përqëndruar në lojë.
Dhomat e mbushura me lodra mund t’i shpërqendrojnë fëmijët nga loja e tyre, ndërsa një numër i kufizuar lodrash mund të nxisin eksplorim më të thellë dhe më kuptimplotë. Fëmijët me më pak lodra kanë më shumë hapësirë për lojëra imagjinative dhe për të krijuar skenarë të rinj, ndërkohë që shumë zgjedhje mund të shkaktojnë një ndjenjë të mbingarkesës dhe të ulin cilësinë e lojës.
Prandaj, nëse doni të përmirësoni cilësinë e lojës dhe ta ndihmoni fëmijën tuaj të zhvillohet në mënyrën më të mirë të mundshme, merrni parasysh reduktimin e numrit të lodrave. Lini vetëm disa lodra të preferuara, dhe pjesën tjetër lërini mënjanë ose jepini. Në këtë mënyrë jo vetëm që do të organizoni hapësirën, por do t’i lejoni fëmijët të përqendrohen më mirë dhe të jenë më kreativë.
Nëse vëreni se një lodër është lënë pas dore, thjesht zëvendësojeni me një të re. Kështu, me përpjekje minimale, do të ruani interesin e fëmijës dhe në të njëjtën kohë do ta ndihmoni në zhvillimin e tij./AlsatM
