Keni qëndruar ulur ndonjëherë duke menduar se përse botës i mungojnë më shumë njerëz të mençur? Pavarësisht ku jeni, gjithmonë do të jetë një person që bën komente të çuditshme dhe i mungon mençuria.
Pra, a do të vetë-shkatërrohet bota si pasojë e mungesës së inteligjencës te raca njerëzore? Jo, normalisht se jo. Njerëzit e mençur janë gjithandej përreth jush, por shpeshherë nuk i vëreni sepse janë të thjeshtë, të durueshëm dhe të qetë pranë tjerëve.
Këto janë shenjat që tregojnë se një person është më i mençur sesa që paraqitet në publik.
Heshtja – Personat më të zhurmshëm në dhomë rrallëherë janë më të mençurit. Ata mund të pohojnë të jenë inteligjentë, por nuk janë ashtu. Personat e heshtur shpeshherë janë ata me nivelet më të larta të inteligjencës. Arsyeja se përse njerëzit e mençur janë të heshtur përfshin dëshirën për të menduar para se të flasin.
Rrinë pa gjumë – Shumica e njerëzve inteligjentë e preferojnë idenë e të qëndruarit vonë gjatë natës në mënyrë që të fitojnë informacione të reja përmes librave, dokumentareve, etj. Nata e ofron një aftësi të shtuar për t’u përqendruar.
Iu bëjnë ballë problemeve me pasion – Një person inteligjent nuk largohet e as nuk e shmang një problem që duhet zgjidhur. Ata ballafaqohen me të, dhe kjo është ajo çfarë i ndanë inteligjentët me personat tjerë. Në sytë e tyre, një problem gjithmonë ka zgjidhje, andaj është e rëndësishme ta trajtojnë atë me pozitivet.
Janë gjithmonë të informuar – Këta individë lexojnë dhe kuptojnë çdo gjë që ndodh përreth tyre. Ata janë të përditësuar me lajme.
Bëjnë pyetjet e duhura – Këta individë dinë gjithmonë çfarë dhe si të pyesin. Ata duan të mësojnë nga tjerët dhe të fitojnë informacione të reja në çdo hap. Këta njerëz janë dëgjues të mirë dhe e vlerësojnë vlerën e fitimit të informacioneve të reja para se ta japin mendimin e tyre.
