Kombëtarja e Shqipërisë e nis sot misionin e saj për t’u kualifikuar për në Kampionatin Botëror “Katar 2022” dhe do të përballet me Andorra, njëri prej pesë kundërshtarëve të saj në Grupin I.
Ndeshja zhvillohet në stadiumin stadiumin nacional të Andorras dhe fillon nga ora 20:45 derisa do të drejtohet nga gjyqtari bullgar Chinkov, përcjellë KosovaPress.
Para ndeshjes, trajneri Edi Reja kërkoi vëmendjen dhe përkushtimin e lojtarëve të tij në këtë ndeshje duke e cilësuar Andorra si një kundërshtar të fortë.
Këto janë formacionet e mundshme:
Andorra: Gomes; Rubio, San Nicolas, Garcia, Cervos; Martinez, Pujol, Rebes, Monero; Vieira; Alaez
Shqipëria: Berisha; Ismajli, Djimsiti, Veseli; Hysaj, Bare, Kallaku, Lenjani; Memushaj; Cikalleshi, Manaj./KosovaPress
