Klubi gjerman, Bayer Leverkusen ka konfirmuar zyrtarisht se trajneri Xabi Alonso do të largohet pas përfundimit të sezonit.
Bayer Leverkusen dhe trajneri Xabi Alonso ndahen pas më shumë se dy vitesh e gjysmë së bashku.
Kampionët e Gjermanisë, fituesit e Kupës së Gjermanisë dhe Superkupës së vitit 2024 i kanë përmbushur dëshirën spanjollit për të ndërprerë kontratën e tij, e cila fillimisht ishte parashikuar të vlejë deri në verën e vitit 2026, pas përfundimit të këtij sezoni.
After almost two-and-a-half years, and during the most successful period in the club's history, our head coach, @XabiAlonso, will leave #Bayer04 at the end of the season. pic.twitter.com/SinXlkWJIJ— Bayer 04 Leverkusen (@bayer04_en) May 9, 2025
Njoftimi erdhi nga faqet zyrtare e klubit gjerman.
“Pas pothuajse dy vitesh e gjysmë, dhe gjatë periudhës më të suksesshme në historinë e klubit, trajneri ynë kryesor, Xabi Alonso, do të largohet nga Bayer Leverkusen në fund të sezonit”, thuhet në njoftim.
Trajneri spanjoll është lidhur fortë me një kalim te Real Madridi si pasues i Carlo Ancelottit, i cili gjithashtu pritet të largohet në fund të sezonit aktual.
Sipas mediave spanjolle, Alonso tashmë ka arritur marrëveshje trevjeçare me Los Blancos. /Telegrafi/
𝐓𝐡𝐞 𝐏𝐫𝐨𝐟𝐞𝐬𝐬𝐨𝐫.
More than a coach – a legend 🖤❤️
Thank you for everything, Xabi! pic.twitter.com/1Q4StFC9PM— Bayer 04 Leverkusen (@bayer04_en) May 9, 2025
