Manchester United ka siguruar transferimin e sulmuesit holandez Joshua Zirkzee.
Pas një sezoni shumë të mirë me Bolognan, holandezi është bërë objektiv i shumë klubeve të mëdha, megjithatë “Djajtë e Kuq” kanë siguruar shërbimet e tij.
Mediat italiane kanë raportuar se tanimë ka një marrëveshje totale mes dy klubeve si dhe mes Man Utd dhe përfaqësuesve të lojtarit.
“Djatjë e Kuq” do të paguajnë klauzolën e largimit të Zirkzee nga Bologna prej 50 milionë euro.
Ndërkohë ajo që e ka bindur lojtarin është sigurisht edhe paga shumë e lartë që do ta fitoj në Old Trafford.
Zirkzee do të nënshkruajë kontratë pesë vjeçare me Manchester United derisa do të fitojë pagë vjetore prej 6 milionë eurove neto në sezon, plus bonuset.
Mediat në Itali dhe Angli kanë raportuar se Man Utd ka fituar garën për Zirkzee vetëm falë pagës shumë të lartë që i kanë ofruar atij. /Telegrafi/
