Ekspertja për Ballkanin Perëndimor në Parlamentin Evropian, Federica Woelk, ka thënë se qasja e Bashkimit Evropian (BE) ndaj Kosovës në dialogun me Serbinë është e padrejtë dhe kjo sipas saj po shihet edhe me reagimet ndaj vendimit të fundit që ka ndërmarr Banka Qendrore e Kosovës për ndalimin e dinarit serb.
Woelk përmes një postimi në platformën X ka shkruar se kjo shihet nga vendimi për ndërhyrje në Kushtetutën e Kosovës në lidhje vendimin e marr së fundmi për dinarin në Kosovë.
“Politika e ndërmarrë ndaj Kosovës nga BE-ja është thellësisht e padrejtë, e padrejtë dhe absolutisht e pabazuar në asnjë lloj fakti. Kjo shihet veçanërisht nga vendimi për ndërhyrje në Kushtetutën e Kosovës në lidhje me dinarin”, ka shkruar Woelk.
Sipas saj, BE-ja përpiqet të përfshijë në dialog vetëm pikat që favorizojnë Serbinë.
“Kur Kosova kërkon të përfshijë çështjen e krimeve të luftës në kuadër të dialogut, përgjigja është jo. Kjo qasje me standarde të dyfishta është një problem”, tha ajo.
Tutje Woelk potencoi se njëanshmëri është e qartë, sa që ndërmjetësuesit janë totalisht të prirë drejt Serbisë dhe nuk ka asnjë mundësi për një dialog të vërtetë.
“Jo, nuk është si qëndrimet e tjera të politikës së jashtme të BE-së. Njëanshmëria në këtë rast është aq konkrete dhe aq e qartë, saqë ndërmjetësit janë totalisht të prirë drejt Serbisë dhe nuk ka asnjë mundësi për një dialog të vërtetë”, u shpreh tutje Woelk.
“Mund të shihet edhe nga fakti se si çdo herë që Kosova thotë se do të nënshkruajë, por Serbia thotë se jo, BE thotë se nënshkrimet nuk janë më të nevojshme. Edhe pse marrëveshjet ndërkombëtare kanë nevojë për nënshkrime për t’u zbatuar”, theksoi ajo.
Ajo tha se kjo mund të shihet nga mënyra se si po merret BE-ja me dialogun “presion mbi Kosovën, zero presion ndaj Serbisë. Kjo qasje është krejtësisht e gabuar”.
Ekspertja Woelk vlerësoi se kjo mund të shihet edhe nga vendimi për të mos ndërmarrë asnjë veprim kundër Serbisë lidhur me sulmin terrorist në Banjska.
“Askush nuk flet më për të. Por një polic kosovar u vra. Dhe është e rëndësishme të ndërmerren veprime”, tha Woelk. /Telegrafi/
It can also be seen by the decision to not take any action against Serbia related to the terrorist attack in #Banjska. Nobody talks about it anymore. But a Kosovar policeman was killed. And it’s important to take actions— Federica Woelk 🇪🇺 (@federicawoelk) January 30, 2024
It can be seen by the way the EU is dealing with the dialogue: pressure on #Kosova, zero pressure on Serbia. This approach is completely wrong.— Federica Woelk 🇪🇺 (@federicawoelk) January 30, 2024
It can also be seen by how each time #Kosova is saying that it will sign but Serbia is saying it will not, EU says signatures are not necessary anymore. Even though international agreements need signatures to be implemented.— Federica Woelk 🇪🇺 (@federicawoelk) January 30, 2024
No, it is NOT like other foreign policy stances of the EU. The bias in this case is so concrete and so clear, the mediators are totally leaning towards Serbia and there is no possibility of a true dialogue. #Kosova— Federica Woelk 🇪🇺 (@federicawoelk) January 30, 2024
We see each day how they try to include in the dialogue only points that favor Serbia. When #Kosova asks to include the issue of war crimes in the framework of the dialogue, the answer is no. This double standard approach is a problem.— Federica Woelk 🇪🇺 (@federicawoelk) January 30, 2024
