Pak ditë më parë, Chelsea zyrtarizoi ardhjen e trajnerit të tyre të ri, Mauricio Pochettino. Ditën e djeshme, skuadra “blu” zhvilloi seancën e parë stërvitore nën drejtimin e argjentinasit Pochettino.
Në këtë seancë nuk mungoi as prania e Armando Brojës. “Bomberi” shqiptar kreu ushtrime në palestër me grupin dhe më pas doli në fushën e blertë.
Sulmuesi kuqezi mungoi për një kohë të gjatë pas operacionit që kreu në gjurin e djathtë dhe tashmë është duke punuar fortë për të gjetur formën e tij më të mirë fizike dhe teknike.
E ardhmja e Brojës nuk dihet ende nëse do të jetë me Chelsea, por padyshim që sulmuesi i kombëtares shqiptare është duke u përpjekur të bindë trajnerin argjentinas./h.ll/abcnews.al
🚨 Armando Broja is back. (@Mohxmmad) pic.twitter.com/jrzSuEOHOb
— Pys (@CFCPys) July 4, 2023
