Turqia u godit sot nga një sërë tërmetesh, e më i forti ishte ai me fuqi prej 4.9 magnitudë.
Epiqendra e tërmetit ishte 64 kilometra larg qytetit Kahramanmarash në pjesën qendrore të Turqisë, në një thellësi prej 10 kilometra.
Fjala është për rajonin që më 6 shkurt u godit nga një tërmet i fuqishëm që u ndie pothuajse në tërë Turqinë dhe Sirinë, ku si pasojë humbën jetën dhjetëra mijëra persona.
E sot në Turqi janë regjistruar disa tërmetet me fuqi shkatërruese prej 3 dhe 4 magnitudë.
Kështu të paktën është bërë e ditur nga qendra evropiane sizmologjike, e njohur ndryshe si EMSC.
/Telegrafi/
