Duke folur pas fitores së tij në zgjedhjet parlamentare të Iowa-s, në të cilat ish-presidenti i SHBA-së çimentoi statusin e tij të favoritit republikan teksa përpiqet të rimarrë Shtëpinë e Bardhë në vitin 2024, Donald Trump tha se “situata izraelite” është “shumë e tmerrshme”.
Ai vazhdoi se “Izraeli nuk do të ishte sulmuar kurrë” nëse do të ishte në Shtëpinë e Bardhë dhe e quajti Joe Biden “presidentin më të keq” në historinë e SHBA, shkruan Al Jazeera.
Trump tha se do t’i “zgjidhte ato shumë shpejt”, duke iu referuar situatës në Ukrainë dhe Izrael, pa dhënë detaje të mëtejshme.
Donald Trump siguroi një fitore të madhe në garën e parë presidenciale republikane të vitit 2024 në Iowa të hënën, duke forcuar statusin e tij të fortë si kandidati kryesor për nominimin presidencial republikan, pavarësisht se u përball me një sërë akuzash penale./abcnews.al
