Tre raste me dhunë në familje, gjatë 24 orëshit të fundit në Kosovë janë raportuar nga policia.
Në Prishtinë janë raportuar dy raste për dhunë me familje.
Me datë 8 gusht është arrestuar një person pasi ka sulmuar fizikisht një femër kosovare.
I dyshuari është dërguar në mbajtje me vendim të prokurorit.
Rasti tjetër ka ndodhur, dje gjatë mesditës, një person ka kanosur një femër ndërsa , policia është në kërkim të dyshuarit dhe rasti është nën hetime.
“Ankuesja femër kosovare ka raportuar se është kanosur nga i dyshuari mashkull kosovar, i cili ndodhet në kërkim policor. Rasti nën hetime”, ka raportuar policia.
Kurse në Komunën e Ferizajt, dje gjatë mesditës është sulmuar një femër kosovare nga një i dyshuar mashkull kosovarë.
“Është arrestuar i dyshuari mashkull kosovar pasi që i njëjti ka ushtruar dhunë ndaj viktimës femër kosovare. Viktimës i është ofruar tretman mjekësor, ndërsa i dyshuari pas intervistimit, me urdhër të prokurorit është dërguar në mbajtje”, ka thënë policia.
Viktimës i është ofruar tretman mjekësor, kurse i dyshuari është dërguar në mbajtje pas intervistimit nga policia.
