Tre mjekë të Klinikave të ndryshme të Qendrës Klinike Universitare të Kosovës janë sulmuar nga qentë endacakë gjatë 24 orëve të fundit.
Kjo u bë e ditur përmes një njoftimi nga Shërbimi Spitalor Klinik dhe Universitar i Kosovës, ku bëhet e ditur se 2 nga mjekët janë sulmuar në oborrin e QKUK-së dhe 1 jashtë tij.
Të njëjtit kanë marrë trajtim mjekësor.
“Shërbimi Spitalor Klinik dhe Universitar i Kosovës konifirmon se gjatë 24-orëve të fundit janë sulmuar 3 mjekë nga qentë endacak, 2 në oborrin e Qendrës Klinike Universitare të Kosovës dhe 1 jashtë QKUK-së”, thuhet në njoftim.
SHSKUK kërkon nga organet kompetente që të trajtojnë me prioritet çështjen e qenve endacak brenda oborrit të QKUK-së.
