FIFA ka publikuar raportin e “Transferimeve Ndërkombëtare” (1 Qershor – 2 Shtator 2024), një analizë e aktivitetit të transferimeve të lojtarëve gjatë afatit kalimtar të verës 2024, duke raportuar se kjo verë është numri më i lartë i transferimeve ndonjëherë.
Por, nëse numri total i transferimeve ndërkombëtare ka arritur në 10.900, investimi i përgjithshëm është në rënie, që në verën e vitit 2024 është 5.8 miliardë euro.
Një hap mbrapa krahasuar me 6.7 miliardë të shpenzuara në verën e 2023, që mbetet kështu rezultati më i lartë i regjistruar ndonjëherë. 5.8 miliardë të sesionit të fundit të verës, megjithatë, janë në vendin e dytë në renditjen e shifrave më të larta të shpenzuara ndonjëherë në një merkato të transferimeve verore përsa i përket transfertave ndërkombëtare.
Klubet angleze kryesuan me shpenzimet që tejkalojnë 1.5 miliardë euro. Anglia e cila shënoi edhe numrin më të madh të futbollistëve të ardhur nga jashtë. Brazili dhe Portugalia pasojnë.
Nga ana tjetër, Italia u rendit e dyta në mesin e federatave që shpenzuan më shumë në sesionin e fundit të merkatos së verës. /Albanianpost.com
Më poshtë janë “top 10” federatat që shpenzuan më shumë për transferimet ndërkombëtare në afatin kalimtar të verës 2024:
1.Anglia – 1.53 miliardë euro (526 ardhje të reja nga jashtë)
2.Itali – 746 milionë (336)
3.Franca – 630 milionë (315)
4.Spanja – 542 milionë (374)
5.Gjermani – 517 milionë (345)
6.Arabia Saudite – 390 milionë (128)
7.Portugalia – 228 milionë (394)
8.Brazili – 163 milionë (412)
9.Turqia – 121 milionë (213)
10.Belgjika – 99 milionë (213)
