Që prej vendosjes së kësaj tabele ndihmëse në rrugën “Marin Barleti”, përballë Qendrës për Punë Sociale në Gjakovë, shumë qytetarë shprehen të shqetësuar për pozitën e ulët të vendosjes së saj. Kjo gjë ka bërë që shumë kalimtarë të rastit të lëndohen pasi që edhe trotuari është i ngushtë.
Punonjësi i Sigurimit që qëndron pjesën më të madhe të ditës aty, është dëshmitar që shumë kalimtarë në këtë rrugë janë lënduar sidomos nga pjesa e prapme e mbrehtë e saj.
Në lidhje me këtë tabelë ekipi ynë ka pyetur Leke Sinën, udhëheqës i sektorit të komunakicionit në komunën e Gjakovës, nëse pritet të rregullohet ky problem. Ai përmes një emaili nga zyra për informim ka thënë:
Pershendetje te nderuar, Tabela për të cilën ju po interesoheni eshte ne listen e tabelave qe do te rregullohen ne momentin e pare qe komuna do ta nenshkruaj kontraten me kompanine per mirembajtjen e sinjalizimit, pasiqe per momentin nuk e kemi te kontraktuar nje kompani qe e kryen nje sherbim te tille.
