Shefi i Zyrës së BE-së në Kosovë Tomas Szunyog, përmes një cicerime në Twitter, ka falënderuar kryeministrin e vendit Albin Kurti i cili ka ndarë pikëpamjet e tij dhe planin e tij qeverisës me të.
Ai ka shtuar tutje se BE është e gatshme të ndihmoj qeverinë e Kosovës në rrugën e saj drejtë BE-së.
“Faleminderit kryeministrit Albin Kurti që ka ndarë pikëpamjet e tij me Zyrën e BE-së në Kosovë, në lidhje me planet e tij qeverisëse. BE është e gatshme të mbështes Kosovën në rrugën e saj drejt të përafrimit me BE”, ka shkruar Szunyog.
