Sekretari i Përgjithshëm i NATO-s, Jens Stoltenberg do të takohet sot në Bruksel me presidentin serb Aleksandar Vuçiq.
Takimin e ka konfirmuar zëdhënësja e NATO-s, Oana Lunđescu.
Deklaratat e përbashkëta të Sekretarit të Përgjithshëm të NATO-s dhe Presidentit të Serbisë janë caktuar për në orën 19:00, thuhet në njoftim.
Biseda është iniciuar nga presidenti Vuçiq javën e kaluar për t’i përcjellë Stoltenberg gjithçka rreth ngjarjeve në Kosovë.
Një raund i ri dialogu do të mbahet sot në Bruksel. I dërguari special i BE-së për dialogun Miroslav Lajçak do të bisedojë me kryenegociatorët e Beogradit dhe Prishtinës, Petar Petkoviq dhe Besnik Bislimi.
Sipas zëdhënësit të BE-së, Peter Stano, fokusi i bisedimeve do të jetë zbatimi i plotë i Marrëveshjes nga 27 shkurti dhe hapat drejt deeskalimit të situatës në veri të Kosovës.
/GazetaSinjali/
