Dialogu mes Kosovës e Serbisë nuk pritet të vazhdojë pa dakordimin e të dyja palëve për rezultate konkrete, gjë që sipas zëdhënësit të Bashkimit Evropian, Peter Stano, po mungon nga të dyja palët.
Ai tha se parakusht për vazhdimin e dialogut është gatishmëria e të dyja palëve për rezultate konkrete, por një gjë e tillë, sipas tij, po mungon.
Kështu ka bërë të ditur zëdhënësi i Bashkimit Evropian, Peter Stano.
“E kemi bërë të qartë se parakusht për takimin e radhës është gatishmëria e të dyja palëve për të rënë dakord për rezultate konkrete në të mirë të qytetarëve të tyre”, është shprehur Stano.
“Konktatet e fundit të Borell dhe Lajçak me palët kanë treguar se mungon gatishmëria për një gjë të tillë”, ka thënë Stano, njofton Klankosova.tv.
Ndërsa, kryeministri i Kosovës, Albin Kurti, së bashku me gjysmën e kabinetit të tij kanë udhëtuar për në Bruksel, ku gjatë ditës së nesërme do të takohet me përfaqësuesin e Lartë të BE-së për Politikë të Jashtme dhe Çështje të Sigurisë, Josep Borrell.
/KlanKosova/
