Spanja shënoi të shtunën si ditën më të nxehtë të vitit, me temperaturat që arritën në 45 gradë celsius.
Temperaturat më të larta u shfaqën në provincën e Granadës, ku pak njerëz dolën jashtë, raporton The Sun, transmeton Klankosova.tv.
Dominic Roy, një shkencëtar i klimës, tha se ajri i nxehtë nga Sahara që ka sjellë ditë të tëra nxehtësie dhe ka nxitur qindra zjarre në vendet mesdhetare nuk po tregon shenja të përfundimit.
Temperaturat e natës kaluan mbi 25 gradë celsius në pjesën më të madhe të vendit, ndërsa vala e të nxehtit po vazhdon në Evropën Jugore.
