Sot kanë hyrë në fuqi masat më të reja për mbrojtje ndaj pandemisë Covid-19, të përcaktuara nga Ministria e Shëndetësisë. Afërdita Spahiu Shllaku, drejtoreshë e shëndetësisë në Gjakovë, thekson se këto masa kanë qenë të domosdoshme, kjo për shkak të rritjes së numrit të të infektuarëve me këtë virus gjatë kohëve të fundit.
Spahiu Shllaku shtoi se vaksinimi në Gjakovë po vazhdon, si dhe njëkohësisht tregon edhe disa statistika rreth të infektuarëve në komunën e Gjakovës.
Nga këtu u apelua që qytetarët të respektojnë të gjitha masat mbrojtëse ndaj virusit Covid-19, në mënyrë që të ruhet shëndeti i secilit qytetar.
