Finalja e Ligës së Konferencës UEFA 2025 zhvillohet sot, në orën 21:00 sipas kohës në “Stadion Wrocłaë” (i njohur gjithashtu si Tarczyński Arena) në qytetin Ërocłaë të Polonisë .
Kjo është finalja e parë evropiane në historinë e klubit nga Sevilla. Betis arriti në finale pas një fitoreje dramatike ndaj Fiorentinës në gjysmëfinale, me rezultat të përgjithshëm 4-3. Ekipi i drejtuar nga Manuel Pellegrini përfundoi sezonin në La Liga në vendin e gjashtë, duke siguruar kualifikimin për Ligën e Evropës sezonin e ardhshëm .
Nga ana tjetër, skuadra angleze synon të bëhet klubi i parë që fiton të gjitha katër garat kryesore të UEFA-s për klube: Ligën e Kampionëve, Ligën e Evropës, Kupën e Fituesve të Kupave dhe Ligën e Konferencës. Chelsea ka qenë në formë të shkëlqyer, duke fituar të gjitha ndeshjet në fazën e grupeve dhe duke mposhtur Djurgårdens me rezultat të përgjithshëm 5-1 në gjysmëfinale .
Për të gjithë tifozët e futbollit, kjo finale premton një përballje emocionuese mes një skuadre që kërkon të shkruajë historinë dhe një tjetre që synon të kompletojë koleksionin e trofeve evropianë.
KosovaPress
