Sulmuesi i Brentford-it me vlerë 60 milionë paundë, Ivan Toney, kërkohet nga Al Ahli në Arabinë Saudite, të cilët janë të gatshëm të ofrojnë një marrëveshje trevjeçare.
28-vjeçari mbetet një opsion për skuadrat e Premier League, por është duke pritur gjithashtu që marrëveshjet e tjera të arrijnë.
Toney ishte vendosur të largohej nga “Bletët” këtë verë, por asnjë marrëveshje nuk është arritur ende me Brentford-in dhe asnjë palë tjetër me fillimin e Premier League në horizont.
Brentford do të fillojë fushatën e tyre ndaj Crystal Palace këtë fundjavë.
Tony ka qenë i përfshirë në parasezon me skuadrën e Thomas Frank që kur u kthye nga Euro 2024 me Anglinë dhe mund të fillojë titullar në kryeqytet këtë fundjavë.
Ai ende dëshiron të largohet nga Brentford-i, por ka pak më shumë se dy javë që të gjitha palët të bien dakord për transferimin e tij.
Nëse ai do të transferohej te Al Ahli, ai do t’i bashkohej lojtarëve si Edouard Mendy, Riyad Mahrez dhe Roberto Firmino.
Brentford, ndërkohë, përballet me humbjen e një sulmuesi tjetër me Wolves të interesuar për Yoane Wissa si zëvendësues për Pedro Neto.
Neto iu bashkua Chelsea-t në një marrëveshje prej 54 milionë paundë në fillim të kësaj jave dhe skuadra e Gary O’Neil tani do të kërkojë t’i investojë ato para për të forcuar linjën e tyre sulmuese.
Wissa, 27 vjeç, iu bashkua Brentford-it nga Lorient në vitin 2021 dhe ka luajtur mbi 100 ndeshje për klubin. /Albanianpost.com
