Një ngjarje e rëndë ka ndodhur në Superligën e Turqisë në ndeshjen Ankaragucu – Besiktas.
Pasi përfundoi takimi, një tifoz ka hyrë në fushë duke shqelmuar dy futbollistë mysafir të Besiktas-it, Cenk Tosun dhe Salih Uçan.
Ngjarja ndodhi pasi futbollistët e dyja skuadrave u përfshinë në një përleshje pas fishkëllimës së fundit të gjyqtarit.
Menjëherë pasi tifozi goditi lojtarët, kanë ndërhyrë sigurimi për ta kapur atë.
Ndërkaq, sa i përket ndeshjes, ajo përfundoi me rezultat 2:3 në favor të Besiktas-it.
Këta të fundit tani janë liderë në tabelë me 13 pikë, duke marrë katër fitore dhe një barazim. /Albanianpost.com
