Ministrja e Shëndetësisë dhe Mbrojtjes Sociale, Ogerta Manastirliu, ka njoftuar sot se Komiteti Teknik i Ekspertëve vendosi të reduktojë kohën e izolimit për të prekurit nga coronavirus nga 7 ditë në 5 ditë.
Komiteti i Ekspertëve ka rekomanduar gjithashtu që doza e tretë përforcuese e vaksinës të kryhet 5 muaj pas dozës së dytë, nga 6 muaj që është aktualisht.
Sa i takon masave anti-Covid, ministrja Manastirliu thekson se situata po ndiqet me vëmendje.
“Duke theksuar rëndësinë e vaksinimit me dozën përforcuese, rritjen e mbulesës vaksinale për popullatën si dhe duke vlerësuar në dinamikë incidencën e rasteve të reja ditore dhe situatën në spitale, ekspertët e Komitetit Teknik do të ri-vlerësojnë në vijim masat anticovid”, ka shtuar Manastriliu.
/Telegrafi/
