Një arritje e jashtëzakonshme për boksin shqiptar. Shqipëria është zyrtarisht e anëtarësuar në Këshillin Botërore të Boksit dhe të gjithë sportistët mund të garojnë me flamurin kuqezi. Lajmin e bëri publik vetë presidenti i Federatës Botërore të Boksit, Mauricio Suleiman.
Pas vizitës së tij në Tiranës, ai zhvilloi një konferencë për shtyp me gazetarët dhe figura të njohura të boksit ku i dorëzoi certifikatën presidentit te unionit te boksit shqiptar Ilir Bregasi
“Jam shumë mirënjohës presidentit Bregasi për mikpritjen e ngrohtë dhe si asnjëherë tjetër. Një vend shumë i bukur Tirana dhe unë jam i bindur se i ka të gjitha mundësitë për të qenë një anëtare e denjë e WBC-së. Për më tepër ka qenë, por tani është anëtare me të drejta të plota”.
Ai theksoi se dëshiron të organizojë një ndeshje në stadiumin kombëtar në Tiranë pasi impianti i ka pëlqyer shumë.
“Ne do të bëjmë çmos që Tirana të jetë kryeqyteti i boksit në Shqipëri. Shoh të rinj që mund ta kenë atë brez të gjelbër me të artë. E gjelbra është shpresë. U premtoj se do të bëjë më të mirën time që të punojmë për trajnimin, të punojmë së bashku, u shpreh mes të tjerash numri një i boksit”.
Ndeshja e radhës për kuqezinjtë do të jetë ajo e datës 18 qershor ku Shqipëria do të përfaqësohet me boksierin Amarildo Vraja./a2news.com/
