Sot, më 30 nëntor 2024, në zyrat e SHPIK-ut në Prishtinë u zhvillua sfida prestigjioze e Bebras, ku morën pjesë 9 nxënës të talentuar nga qytete të ndryshme të Kosovës.
Në këtë garë, talenti dhe përkushtimi u shpërblyen maksimalisht. Nxënësi Neo Spahiu, përfaqësues i shkollës “Mustafa Bakija,” u shpall fitues absolut i sfidës duke arritur një rezultat të përsosur prej 100%. Ky triumf e rendit atë si nxënësin më të mirë në Kosovë për këtë sfidë të teknologjisë dhe kodimit.
Po ashtu, një paraqitje të shkëlqyer pati edhe nxënësi Ardor Avdija, i cili zuri vendin e katërt në këtë garë të rëndësishme.
Ky sukses nuk do të ishte i mundur pa përkushtimin dhe punën shumëvjeçare të mësueseve Dhurata Nixha dhe Dafina Emra si dhe koordiantores së klubit të teknologjisë, kodimit, Bleta Gjini.
