Shkolla fillore Këlmend Rizvanolli ka shënuar festën e shkollës. Me një program të larmishëm nxënësit shpalosën disa pika para të ftuarve për të kremtuar ditën e sotme. E pranishme në 9 vjetorin e themelimit të kësaj shkolle ishte edhe drejtoresha e arsimit në Gjakovë Eranda Kumnova Baci e cila tha se ndjehet e nderuar që është pjesë në këtë organizim të këtij institucioni shkollor që sot është shembull.
Në emër të familjeve Rizvanolli e Kusari ishte Xhelal Kusari i cili në fjalën e tij tha se është e rëndësishme të ruhet cilësia në arsim, sic është ruajtur deri më tani me shpresën që kjo shkollë të jetë model për shkollat evropiane.
Drejtoresha Valma Kamishi- Zeka shprehu edhe njëherë falenderimet e saj ndaj familjeve Rizvanolli e Kusari, falë kontributit të të cilave është ndërtuar kjo shkollë.
Nxënësit e shkollës festuan me poezi, muzikë e vallëzime të cilat i kishin pëgatitur me ndihmën e mësimdhënësve. 9 vjetori i shkollës përkon edhe me ditëlindjen e inxhinierit të ndërtimtarisë, Këlmend Rizvanollit, për të kujtuar kështu kontributin e tij dhe të dy familjeve Rizvanolli e Kusari për arsimimin e brezave ndër vite.
