Aksidentohet një kamion me një veturë në Gjakovë, lëndohet një person
“A flasim për burrat” komedia që hapi festivalin “ArtMania”, dhe solli të qeshura pa fund tek publiku
Mbrëmë është hapur zyrtarisht edhe gara e shfaqjeve të cilat do të ngjiten në skenën e teatrit “Hadi Shehu”, në kuadër të festivalit ArtMania. Përveç drejtuesve të festivalit , ca fjalë për këtë organizim pati edhe kryetari I komunës Ardian Gjini, i cili vlerësoi angazhimin e ideatorëve, për t’i sjellë Gjakovës, diçka të veçantë.
Teatri i Korçës “Andon Zako Cajupi” , me komedinë “A flasim për burrat”, nisi rrugëtimin i pari në ArtMania. Tre shoqe të cilat bëhen bashkë cdo ditë dhe diskutojnë për ata, për burrat. Ndarjet, lidhjet dhe çdo gjë tjetër, vajzat e ndanë mbrëmë me publikun në sallë.
Interaktiviteti me të pranishmit, e bëri shfaqjen tejet të veçantë. Me plot energji, vajzat filluan të kërkojnë burrë tek publiku.
Rolet e interpretuara nga Rozana Radi, Blerta Belliu, e Lola Meta janë shoqet që i kemi të gjitha vajzat në jetën tonë, thotë Radi, teksa vlerëson publikun që ishte gjithë vesh gjatë lojës së tyre.
Regjisorja Andeta Radi u shpreh se nuk e kishte pritur një reagim kaq pozitiv nga publiku gjakovar, teksa shpreson që kjo shfaqje e punuar me shumë dashuri nga tre aktoret, të sjellë edhe cmim në edicionin e parë të këtij festivali, që është edhe kompetitiv.
Sonte publiku në teatrin “Hadi Shehu” mund të ndjek shfaqjen “Andorra” nga teatri “Bekim Fehmiu” i Prizrenit. Dyert e teatrit janë të hapura për të gjithë artdashësit me fillim nga ora 19:00.
