Diplomacia izraelite e shpalli të mërkurën shefin e OKB-së, Antonio Guterres “persona non grata”.
Kjo, duke e ndaluar hyrjen e tij pasi e akuzoi atë mbi dështimin për të dënuar sulmin raketor të Iranit në vend.
Lajmi u bë i ditur nga agjencia izraelite “Times of Israel”.
“Kushdo që nuk mund të dënojë pa mëdyshje sulmin e urryer të Iranit ndaj Izraelit, nuk meriton të shkelë në tokën izraelite”, tha ministri i Jashtëm Israel Katz në një deklaratë. “Ky është një Sekretar i Përgjithshëm anti-Izrael që u jep mbështetje terroristëve, përdhunuesve dhe vrasësve”.
Më herët, Irani lëshoi një valë raketash balistike në drejtim të Izraelit, në një hakmarrje të dukshme për fushatën e Izraelit kundër aleatëve të Hezbollahut të Teheranit në Liban dhe vrasjet e liderit të grupit.
Guterres, në reagimin e tij, dënoi përshkallëzimin e shpejtë të dhunës në rajon, pa përmendur në mënyrë specifike Iranin, Izraelin apo ndonjë vend tjetër.
“Unë dënoj zgjerimin e konfliktit në Lindjen e Mesme me përshkallëzim pas përshkallëzimi. Kjo duhet të ndalet. Ne kemi nevojë absolutisht për një armëpushim”, shkroi ai në faqen e mediave sociale, X, teksa u shfaqën raportimet e para për sulmin raketor iranian. /Albanianpost.com
