Policia e Kosovës ka njoftuar se ka sekuestruar 50 fishekë të cilët janë zënë në valixhen e një pasagjeri në ardhje në Aeroportin e Prishtinës.
Në njoftimin e policisë thuhet se i dyshuari është liruar në procedurë të rregullt.
“Është raportuar se në valixhen e të dyshuarit mashkull kosovar në arritje oficerët e doganës kanë gjetur 50 fishekë. Nga i dyshuari është sekuestruar municionit dhe me vendim të prokurorit i dyshuari është liruar në procedurë të rregullt”, thuhet në njoftim.
Policia nuk ka dhënë detaje të tjera për rastin. /RTKlive
